Abdulmoshin ALherz مـؤسس الشركه مَـشًــارِكُـــاتٌيـے : 748
جْــنـسَے : المَـنِتدَىے الشَـخًصٍيے : شموخ العرب
موضوع: رسالة ولاء .... الشاعر محمود رفعت زعلوك الجمعة مارس 05, 2010 12:27 pmخيارات المساهمة قصيدة :رسالة ولاء لشاعر الفؤاد : محمود رفعت زعلوك كل سنة و إنتي طيبة يا ولاء و قريّب قوي نتقابل من بعد فراق كل سنة و إنتي طيبة بتقولها لك أشواق أشواق قلبي ، من قلبي يا ولاء النهاردا الناس بتحتفل بالعيد يمكن أنا حزين علشان هنا و بعيد لكن قلبي أكيد فرحان لك و سعيد إنك إنتي بتعيدي و فرحانة يا رب دايماً تفرحي يا أعز إنسانة اخبارك إيه و عملتي إيه في العيد أنا عن نفسي مالغربة و الشوق بكيت على فكرة : أنا عمري ما كنت حسود لكن جوايا غضب مكبوت من فستانك ؛ فستان العيد أنا في غيرة منه و هموت لإن هو جمبك ؛ جمب قلبك و معاكي طول اليوم أكيد يا حبيبتي بيحبك و أكيد السبب معلوم أصلك يا حبيبتي رقيقة قوي و جميلة جمال جميل اللي شاف عيونك هوى و الهوى دا حب و أنا منه بغير أنا وحدي هنا في عذاب مشتاق لك و جوايا عتاب و الليل و نجومه و سكونه عاشقين لنهار غالية عيونه سألوني عنك يا حبيبتي ، قالوا لي : ليه ؟ بتبكي ليه ؟ إحكي لنا عنها ؛ قول فاكر إيه و حكيت اللي في قلبي حكيت لهم عن حبي سالوني تاني : فاكر إيه ؟ رديت عليهم بكلام يا حبيبتي من قلبي آلام فاكر الضحكة و عاشقها فاكر الإبتسامة و بنادي لها شايف حبيبتي و حلاوتها في الغربة زادت غلاوتها كانت معايا و بحلم بيها في نفس اللحظة بفكر فيها و بعد يومين إتنين إشتقنا لأيام بعدت و وحشتنا لأحلام جية تاخدنا ؛ لأبعد مالخيال قلت لها بحبك ؛ و قالت لي أحلى موال في خيالي حبتها كتير و في بالي طول عمري بميل و دا حالي عاشق و بطير في دنيا الحب ؛ و العصافير دايماً يا قلبي بتغير من حبي لحبيبتي و شيفاه كتير و أعمل إيه ؟ ما دي حكاية قلبي و حياتي أعمل إيه ؟ لما قلبي للحب ينادي و يعدي اليوم و ييجي الليل أسهر حيران حتى لو عيوني تنام قلبي سهران بيفكر في أغلى ما في الكون في أجمل بسمة و أحلى عيون دي حبيبتي هيَّ واحدة جميلة مفيش كلام طهرة زي الملايكة و أي كلام تاني حرام أول مرة شفتها حبتها و في لحظة عرفت إنها قبلتها لا قالت ؛ و لا ابتسمت لكن عيونها قالتها بعيونها قالت شروطها و لا عمرها طلبتها دي حبيبتي هيَّ واحدة جميلة مفيش كلام معاها بنسى الدنيا و أودع الآلام و الليل مسكين ؛ سهران سنين مالحب الليل جميل و عطوف و بيعشق المساكين على طول نادى القمر ملهوف يا حبيبتي يا ست الحلوين و حكى له عالحكاية و الشوق اللي جواية و أنا ببكي و الكل معايا لكن القمر مشغول في مكانه هيعمل إيه ؛ شوية نجوم هما أعوانه يا عيني عليه بس الليل في كل مكان حاول يساعدني و كان إنسان أنا شايل له الجميل و هسهر بكرة طول الليل و أشوف نتيجة المراسيل أصله عرف طريق الحب و مكانه و قال لي أكتب لك جواب بس يختار هو عنوانه و يكون خالي من العتاب و أنا بكتب لك هنا و بنادي يا حبيبة قلبي و فؤادي غيابك طال عني و صوتك بيوحشني يا ولاء و يفكرني بالأشواق أسافر ؛ أبعد و اغيب و في الغربة الحب طبيب و أنا تايه في الدنيا غريب عن الأحباب . فاكر الضحكة و الإبتسامة فاكرك يا حبيبتي و يامة بسهر ليالي أناديكي و اشكي حالي لليل بعيد في نهاره أكيد ؛ عاشق ليكي يمكن تغير ملامحنا ليالي لفراق لكن في قلبي هيكبر حبك يا ولاء يكبر ؛ يفرح ؛ و يعيش أيام و سنين يحزن ؛ يمرح و تدوب أشواق بحنين من قلبي لقلبك بدعي لك من قلبي دعاء الفرحة مالحزن تصونك يا حبيبتي و تفضل في عيونك و في قالبك يا ولاء يا اجمل شيء في حياتي يا حبيبتي يا كل حياتي انا في بعادك حزين ليلاتي أنا في وادي و الدنيا في وادي عايش على ذكرى ؛ خايف على فكرة ؛ خايف من بكرة ؛ خايف لما أقابلك تكوني نسياني يلي في قلبي حبك و في كل أحلامي سامحيني .... وحشتيني و راجع تاني بكل شوق و حنين و حب و وفاء و حشتيني من قلبي و حشاني يا ولاء و حشاني بجد يا حبيبتي
الموضوع الأصلي :
رسالة ولاء .... الشاعر محمود رفعت زعلوك الكاتب :
Abdulmoshin ALherz المصدر :
منتدى فرسان التطوير التوقيع توقيع Abdulmoshin ALherz